أجمل شيء في الضحك هو أنك لا تحتاج سبب لكي تضحك ، فعليك أن تبدأ به على الفور فهو يرفع من قيمة الحياة والروح المعنوية ويجعلك تحب كل شيء من حولك، ويعطيك الشعور بالراحة والاسترخاء. كما أنه يقلل من الضغوط والعنف والغضب ويمكننا القول بأنه علاج وقائي يمنع من الإصابة بالعديد من الأمراض العضوية والنفسية.
السبت، 31 يوليو 2010
اللعب على المكشوف
لعبوا معانا على المكشوف شالوا النسر وحطوا خروفو
كمان قالوا إننا بلا قافية عايشين وسط بلدنا ضيوفو
الضيف طبعاً يبقى أسير ومهيمن على قلبه الخوفي
عنى يعيش على ملح ولقمة يا إما يفارق بالمعروف
يا هايبعتوا للى هايتكلم لفة بانجو مع حلوفو
الحلوف طبعا مطلوق ولا بيفكر ولا بيشوف
لابس حدوة كبيرة ف رجله وفيه على ضهره بردعة صوف
لعبوا معانا على المكشوف والتزوير ظاهر عينى عينك
ولا بقى فيها خشى ولا كسوف ولا حد راح يقولك فينك
حتى البرقع كمان انشال وإيديهم وصلت مصارينك
حطوا متين قفل على لسانك خلوا الخوف يجرى فى شرايينك
جابوا الحبل وربطوا ودانك بعد ما كنت أسد ف عرينك
اخدوا ف سينا دمى ودمك والأيام دى مش فاكرينك
لعبوا معانا على المكشوف لعبة فرعون والحرامية
وكل حرامى كبير مطلوب قالوا ينجح بالتزكية
واللى عليه العين يتعين ينفع لو عوزناه ف قضية
ينفع شاهد زور ويوالس وإيده وقت الخطف عفية
لعبوا معانا على المكشوف سرقوا مكانك إنت وهيه
لعبوا معانا على المكشوف كشفوا الوش أبوسحنة غبية
لعبوا معانا على المكشوف حطوا حديد ف إيديك وإيديه
بقلم
سيد أحمد الهمشرى
الجمعة، 30 يوليو 2010
ضياع شعب نقلا من جريده المصرى اليوم
شعب شايل بين إيديه راية بيضة شعب حاطت فوق كتافه جبه سوده.. شافه واحد من الأجانب قال دى موضة.. موضة إيه؟.. دا شعب مش عارف راسه فين ورجله فين.. شعب مش باين من ملامحه غير عينين.. مسكوه قلم فى إيده.. وقالوا الانتخابات بكره جايه.. حط بس انت العلامة وخد هدية.. واوعى تغلط.. هو واحد بس له حق العلامة.. تلقى مصر فى عهده دولة الاستقامة.. لو غلطت قول عليك وعلى البلد ياللا السلامة..
يادى الندامة فين عليش فين صميدة والواد سلامة.. كلهم كانوا جنبى من شوية.. خافوا منى وخافو من الضربة اللى هيه.. رد عطوة قالى لأه مش القضية.. دول راحوا يشوفوا بس ماتش كورة.. قولت فين قالى عند الواد حسين.. فاتحله قهوة وجاب ريسيفر بقطعتين.. بيجيب مصارعة مش بس كورة..
وكمان المشفر والمستخبى بس .يادى المصيبة ماتش كورة والمشفر.. قولى فين القهوة ديا نهارك أغبر.. قال جنب كشك الواد حمادة مكان مابفطر.. وسمعت صوت الأدان الله أكبر.. ورحت أصلى وادعى للشعب اللى ضايع.. وفضلت اردد الله أكبر الله .
بقلم
طبيب امتياز/ عمرو منصور القزاز
طبيب امتياز/ عمرو منصور القزاز
معلش استحملوني .نكته رخمه ع الطاير
مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب،
حط ايده في جيبه لاقاه مخروم رجع يدور عليها لتكون وقعت
نكت من مصراوي (الفرخه والديك)
مره واحد محمل فراخ وهوه معدي علي كمين سالوه الظابط محمل ايه قالو فراخ يابيه قالو بتاكلهم ايه رد عليه السواق باكلهم علف ودره قال الظابط لا الفراخ مايكلوش علف و دره دول بيكلو لانشون وبسطرمه وراح عملو مخالفه .فالسواق بعد مامشي جه عالكمين التاني فالظابط بيسالو محمل ايه قالو فراخ يا باشا قالو بتاكلهم ايه قالو لانشون و بسطرمه قالو ازاي الفراخ بتاكل دره وعلف مش لانشون وبسطرمه وراح عملو مخا لفه. وبعد السواق مامشي وجه عالكمين التالت فالظابط بيسالو محمل ايه يا اسطي؟ قالو فراخ يا باشا .قلو بتاكلهم ايه ؟بص يا باشا انا بدي كل فرخه نص جنيه وهيه تاكل اللي علي مزجها
ماتت امراءه جحا فلم ياسف عليها كثيرا .وبعد مده مات حماره فظهرت عليه علائم الغم والحزن .فقال له بعض اصدقائه :عجبا منك .ماتت امرأتك من قبل ولم تحزن عليها هذا الحزن الذى حزنته علي موت حمارك.فأجابهم:عندما توفيت امرأتى حضر الجيران وقالوا لاتحزن فسوف نجد لك احسن منها .وعاهدوني علي ذالك .ولكن عندما مات الحمار لم يات احد يسلينى بمثل هذه السلوى..أفلا يجدر بي أن يشتد حزنى؟
الخميس، 29 يوليو 2010
اطفال اخر زمن
مرة 3 أطفال راحوا محل لعب واحد بيقول للراجل: عمو عمو عايز .الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين !!!!
الأربعاء، 28 يوليو 2010
مجنانين اخر زمن
داخل مستشفى للمجانين الدكتور للمريض:اسمك ايه؟
المريض:انا ابن نابليون بونابرت
سابه الدكتور وسال مريض تاني
مين ده المريض الثاني :ده ابن نابليون بونابرت
الدكتور بص شاف واحد مش مقتنع بالكلام فساله
الدكتور:هوده فعلا ابن نابليون بونابرت
المريض:كداب طبعا ده لا ابني ولا اعرفه
نقلا من المصري اليوم 2
فوفو رغيفنا يا أجمل فوفو.. ليه بيكشر لما نشوفه.. دا احنا بنفرح بيك يا حبيبنا.. فرح فقير العيد بخروفه.. فوفو رغيفنا يا سيد الكل.. امتى علينا يا زوق هتطل.. دا انته إن عدا يوم وماجتشى.. فى الطوابير بنشوف الذل.. فوفو حبينا دا انته كبير.. أكبر من أيتها وزير.. لما نشوفه بنهرب منه.. وانته نشوفك ليك بنطير.. نفسى يا فوفو ترشح نفسك.. لجل تحس بحب الناس.. لما بتهتف فوفو يا فوفو.. وانته ملعلع فوق الراس!
محمد إبراهيم أبوعصفور
نقلا من المصري اليوم
خلينا عايشين فى الغيبوبة.. إيه يعنى بلدنا ومنهوبة.. إيه يعنى شوية حرامية.. نهبوها وخلوها سبوبة.. إيه يعنى يضيع كام مليار.. على حبة كفتة وكفيار.. إيه يعنى شوية تجار.. بيغلوا علينا الأسعار.. إيه يعنى حكومة مستقوية.. تبيعنى الهدمة اللى عليا.. وتاخد ضريبة على الشقة.. وتقولى عددها كام طوبة.. إيه يعنى واحد وجماله.. يغرق فى العز ورجاله.. وإيه يعنى يموت كام مليون.. م الجوع والبرد فى طوبة.. مابلاش الغل ده يا اخوانا.. ما هى صبحت واضحة ومكتوبة.. خلينا عايشين فى الغيبوبة.. إيه يعنى بلدنا ومنهوبة.
د. خالد الشناوى- السعودية
الثلاثاء، 27 يوليو 2010
وسع يا بوااااااى سلام صعيدي
ليه الصعيدي بيحط جنبه منبهين؟
عشان واحد يضرب والتاني يحوش
طب ليه الصعيدي بيحط جنبه كوباية شاي؟
عشان منبه
طب ليه بيحط كوباية قهوه؟
عشان لو الشاي ما رنش
طب ليه الصعيدي وهو بيتغدى بيحط جمبه كوباية ميه فاضية وكوباية ميه مليانه؟
عشان ممكن يشرب وممكن ميشربش
و ليه بيحط ملح على راسه ؟
علشان يبقى حدق
و ليه بيحط سكر على الكرسى قبل ما يقعد ؟
علشان تبقى قعدته حلوة
ليه الصعيدى بيلبس شورابات خضراء ؟
عشان خضرا لابسة شوراباته
طب ليه بيلبس شورابات زرقاء؟
عشان شورابات خضرا مغسوله
صعيدى واقف فى الشمس و معاه دودة ليه؟
عشان الدكتور قا له اقف فى الشمس دقائق معدودة
لية الصعيدى بيحط خيارة تحت المخدة؟
عشان لو حط طماطماية هتتفعص
طب ليه الصعايده بيصنعوا الاتوبيسات بالعرض؟
عشان يركبوا كلهم قدام
خمس صعايدة فى غواصة غرقوا ليه؟
سمكة خبطت عليهم
ليه الصعيدى الصغير اذكى من الصعيدى الكبير؟
عشان ما بقالوش كتير صعيدى
ازاى تعرف البواب الصعيدى ؟
بينضف الاسانسير كل دور
صعيدى لغى معاده مع الدكتور ليه ؟
عشان عيان
حاجتين سود بينهم حاجة بيضة ايه ؟
عثمان احمد عثمان
ليه الست الصعيدية مابتشربش ميه طول فترة الحمل؟
عشان القفل اللى فى بطنها ما يصديش
ليه الصعيدى بيشرب الدوا قبل معاده؟
عشان يفاجىء الجراثيم
ليه الصعيدي بيلبس عمه؟
عشان يعرف راسه من رجليه
ليه بياخد معاه شمسيه و هو بيعوم؟
عشان لو الدنيا مطرت
طيب ليه بيخلي اخوة ينام تحت الشباك؟
عشان يخض الناموس و هو داخل
ليه قتل ابوة؟
عشان يطلع رحله الايتام
طيب ليه قتل عمه؟
عشان ابن عمه يطلع معاه
طيب ليه انتحر بعد كده؟
عشان رحله الايتام اتلغت
طيب ليه بقي بيقعد في حفرة؟
عشان يفكر بعمق
طب ليه بيدرس فوق السطح؟
عشان يعمل دراسات عليا
طيب ليه بيذاكر مع الشيطان؟
عشان الشيطان شاطر
واحد بلديتنا واقف قدام المرايا و مغمض عنيه ليه ؟؟
بيشوف شكله و هو نايم
ليه الصعيدي لما يتعور يطلع فوق السطوح؟
عشان الجرح يكون سطحي
ليه الصعيدي لما يجي يستحمى باخد عائلته كلها معاه؟
بيستخدم شامبو العائله
صعيدي في الجامعه الامريكيه
صعيدي صايم اتصل ببرنامج مايطلبه المستمعون
قالوله شنو تحب تسمع
قاللهم...
لو ممكن مقطع من اذان المغرب
الاشتراك في:
الرسائل (Atom)